لاہور: اینٹی کرپشن پنجاب نے احتساب عدالتوں سے نیب کو واپس بھیجے جانے والے 50 کروڑ سے کم کرپشن کے نیب کیسز کی تحقیقات کا فیصلہ کیا ہے۔
نیب قانون میں ترامیم کے بعد اینٹی کرپشن پنجاب نے بڑا فیصلہ کرلیا۔ نیب میں جاری پچاس کروڑ سے نیچے والے تمام سیاسی اور محکموں کے کیسز کی تحقیقات اب اینٹی کرپشن پنجاب کرے گا۔
ذرائع وزیراعلی آفس کے مطابق اینٹی کرپشن پنجاب کی جانب سے قومی احتساب بیورو (نیب) کو خط لکھا جائے گا۔
اینٹی کرپشن پنجاب کی جانب سے نیب لاہور سے 50 کروڑ سے نیچے والے تمام کیسز سے متعلق تفصیلات مانگی جائیں گی۔
چیئرمین پی ٹی آئی عمران خان اور وزیراعلی پرویز الہی کی منظوری کے بعد اینٹی کرپشن پنجاب کی جانب سے خط لکھا جارہا ہے۔
0 Comments