انسداد منشیات فورس ( اے این ایف ) کی جانب سے اسلام آباد انٹرنیشنل ایئرپورٹ پر منشیات فروشوں کے خلاف کارروائی کی ہے۔
کارروائی کے دوران اے این ایف نے ملزم کے پیٹ سے 124 عدد منشیات بھرے کیپسول برآمد کیے ہیں جس میں سے 114 کیپسولز چرس سے بھرے ہوئے تھے جب کہ 10 کیپسولز میں آئس بھری ہوئی تھی۔
ملزم کے پیٹ سے برآمد ہونے والے کیپسول سے برآمد ہونے والی چرس کا مجموعی وزن 734 گرام جب کہ آئس 69 گرام ہے۔
اینٹی نارکوٹکس فورس کے مطابق ملزم خیبر ایجنسی کا رہائشی ہے جو وفاقی دارالحکومت سے اماراتی دارالحکومت ابوظبی جارہا تھا۔
انسداد منشیات فورس نے ملزم کے خلاف انسداد منشیات ایکٹ کے تحت مقدمہ درج کرکے مزید تحقیقات کا آغاز کردیا۔
0 Comments