بیوی پر پڑوسی نوجوان سے موبائل فون پر بات کرنے کا الزام لگا کر جرگہ بلالیا جس میں سزا کے طور پر اس کی بیوی اور لڑکے کے آدھے سر کے بال کاٹ دیے گئے۔

کراچی: سکھن کے علاقے میں شوہر نے بیوی پر پڑوسی نوجوان سے موبائل فون پر بات کرنے کا الزام لگا کر جرگہ بلالیا جس میں سزا کے طور پر اس کی بیوی اور لڑکے کے آدھے سر کے بال کاٹ دیے گئے۔ الزام عائد کیے جانے کے بعد خاتون سے اس کی شیر خوار بچی بھی چھین لی گئی۔ پولیس نے متاثرہ خاتون سکینہ کے والد کی مدعیت میں مقدمہ درج کر کے داماد ایوب اور اس کے والد کو گرفتار کر کے چھینی گئی بچی ماں کے حوالے کر دی۔ پولیس نے جرگے میں فیصلہ دینے والے اور اس میں شامل دیگر افراد کی تلاش میں چھاپے مارنا شروع کردیے ہیں۔ واضح رہے کہ مدعی مقدمہ کے مطابق اس نے اپنی بیٹی کی شادی ایوب سے 3 سال قبل کی تھی ۔