اسٹریٹ کرائمز کی لہر:کراچی کے تھانوں کی 85 گاڑیاں ضبط، ایک ماہ سے پیٹرول بند

 کراچی میں اسٹریٹ کرائمز کے بڑھتے واقعات کے باعث شہر کے تھانوں کی 85 گاڑیاں ضبط کرلی گئیں جب کہ ایک  ماہ سے پیٹرول بھی بندہے۔

کراچی میں ایک طرف اسٹریٹ کرائمز اور دیگر جرائم کا واویلا ہے تو دوسری طرف اعلیٰ پولیس حکام کی جانب سے صرف کراچی کے ایس ایچ اوز کے لیے ناپ تول کا اعشاری نظام نافذ کرتے ہوئے 85 پولیس موبائل گارڈن پولیس ہیڈ کوارٹر میں ضبط کر لی گئی ہیں۔

پولیس حکام کے مطابق ماہِ جولائی 2022 کے دوران پولیس موبائلوں کی رننگ اور فیول کارڈز سے نکلوائے گئے پیٹرول میں تضاد ہے

پولیس ذرائع کے مطابق چند ماہ قبل صوبہ بھر کی موبائلوں میں ٹریکرز لگنے کے بعد اب ہر ماہ ان گاڑیوں کی رننگ اور کیول کارڈز سے نکلوائے گئے پیٹرول کی مقدار سے موازنہ کیا جاتا ہے۔ ٹریکر کے حساب سے پولیس موبائل اگر 100 کلومیٹر چلی تو متعلقہ پولیس افسران سے یہ سوال کیا جاتا ہے کہ فیول کارڈ سے زیادہ مقدار میں پیٹرول کیوں نکلوایا گیا؟