احساس راشن رعایت پروگرام کی آن لائن رجسٹریشن شروع

پنجاب کابینہ نے100 ارب روپے کے احساس راشن رعایت پروگرام کی منظوری دے دی ہے۔

احساس راشن رعایت پروگرام سے 80لاکھ گھرانے مستفید ہونگے اور آٹے، دال،گھی یا پکانے کے تیل پر40فیصد تک رعایت ہوگی۔

تحریک انصاف کے رہنما سینیٹر ثانیہ نشتر کا کہنا ہے کہ آج سے رجسٹریشن کا آغاز ہوگیا ہے۔جو گھرانے اس پروگرام سے مستفید ہونا چاہتے ہیں وہ رجسٹریشن کروائیں۔

ثانیہ نشتر کا کہنا تھا کہ جو گھرانےاس پروگرام سے مستفید ہونا چاہتے ہیں وہ مخصوص کیو آر کوڈ کو اسکین کر کے رجسٹریشن کرواسکتے ہیں۔

کریانہ دکاندار بھی اس کیو آر کوڈ کو سکین کر کے رجسٹریشن کروائیں تاہم جو دکاندار پہلے سے پروگرام میں شامل تھے ان کو دوبارہ رجسٹریشن کی ضرورت نہیں ہے۔

پنجاب میں جو گھرانے احساس راشن رعایت سے مستفید ہونا چاہتےہیں وہ کیو آر کوڈ کے علاوہ 8123پر گھر کے کسی ایک فرد کا قومی شناختی کارڈ نمبر بھیج کر یا پنجاب خدمت مراکزسے رجوع کر کےبھی رجسٹریشن کرواسکتے ہیں۔

ثانیہ نشتر کا کہنا تھا کہ جو گھرانے پہلے سے پروگرام میں رجسٹر تھے وہ بھی رجسٹرشین کے اہل ہونگے مگر ان کو دوبارہ رجسٹر ہونا ہوگا۔