افریقی ملک یوگینڈا کے 2 ہیلی کاپٹرز کانگو میں گر کر تباہ ہوگئے جس کے نتیجے میں 22 فوجی اہلکار مارے گئے۔
جمہوریہ کانگو کی مسلح افواج کے ترجمان نے کہا ہے کہ یوگنڈا کی فوج کے دو فوجی ہیلی کاپٹرز منگل کے روز گر کر تباہ ہوئے، واقعے میں 22 اہلکار بھی ہلاک ہوئے ہیں۔
کنساشا سے عرب میڈیا کے مطابق یوگینڈا نے کانگو میں باغی ملیشیاء کی سرکوبی کیلئے فوج بھیجنے کا اعلان کیا تھا۔
مسلح افواج کے ترجمان نے بتایا کہ دونوں فوجی ہیلی کاپٹر کانگو کے شورش زدہ علاقے میں حادثے کا شکار ہوئے۔
میڈیا رپورٹ کے مطابق فوجی ہیلی کاپٹروں کے تباہ ہونے کی وجوہات تاحال معلوم نہیں ہوسکیں۔
0 Comments