خیبرپختونخوا میں ڈینگی کا ٹیسٹ مفت کر دیا گیا

خیبر پختونخوا میں ڈینگی کا سی بی سی ٹیسٹ مفت کر دیا گیا۔ پاکستان کے دیگر صوبوں کی طرح کے پی میں بھی ڈینگی بے قابو ہو گیا ہے اور صوبے میں ایک دن میں 361 افراد وائرس میں مبتلا ہوئے جب کہ مزید ایک مریض جاں بحق ہو گیا، جاں بحق ہونے والے مریض کا تعلق مردان سے تھا۔ اس کے علاوہ مردان میں ہی مزید 88 افراد میں وائرس کی تصدیق ہوئی ہے۔ کراچی: ڈینگی لاروا کو تلف کرنے کیلئے فیومیگیشن مہم شروع کرنے کا اعلان پشاور میں 24 گھنٹوں کے دوران مزید 144 اور اسلام آباد میں 100 سے زیادہ افراد ڈینگی سے متاثر ہوئے۔ اس کے علاوہ لاہور میں 89 اور راولپنڈی میں 70 مریض سامنے آئے جبکہ گوجرانوالا، ملتان، سیالکوٹ اور گجرات میں بھی ڈینگی کے نئے کیسز سامنے آئے ہیں۔