دنیا کے آلودہ ترین شہروں میں لاہور سب کو پیچھے چھوڑتے ہوئے پہلے نمبر پر آگیا۔

اہور کا ایئرکوالٹی انڈیکس 157 ہوگیا ہے جو دنیا میں کسی بھی شہر کا سب سے زیادہ ہے۔ بھارت کا شہر دہلی 151 ائرکوالٹی انڈیکس کے ساتھ دوسرے اور چین 129 کے ساتھ تیسرے نمبر پرہے۔ ماہرین کے مطابق ایئرکوالٹی انڈیکس 100 سے بڑھ جائے توانسانی صحت کیلئے خطرناک ہوجاتا ہے۔ ادھر محکمہ موسمیات کے مطابق آنے والے دنوں میں اسموگ خطرناک حد تک بڑھنے کا امکان ہے۔ شہر میں فضائی آلودگی میں خطرناک حد تک اضافے کے باوجود حکومت کی جانب سے اس کے تدارک کیلئے اقدامات نظر نہیں آرہے۔ شہر میں فضائی آلودگی کا باعث بننے والی فیکٹریاں فعال ہیں جبکہ محکمہ ماحولیات کی کاروائیاں رواں برس بھی دفاترکی چاردیواری تک ہی محدود ہیں۔