پنجاب پولیس کارکردگی کیوں نہیں دکھاسکی؟ وجہ سامنے آگئی

 پنجاب پولیس کی ناقص کارکردگی کی وجوہات سے متعلق رپورٹ سپریم کورٹ میں جمع کرادی گئی۔

رپورٹ کے مطابق صوبے میں 8 سال کے دوران آئی جی سے ایس ایچ او تک کوئی بھی افسر اپنی پوسٹ پر ایک سال بھی تعینات نہ رہ سکا۔

دستاویزات کے مطابق گزشتہ 8 سال کے دوران پنجاب میں 12 آئی جی پولیس تعینات ہوئے جبکہ صوبے بھر کے 39 اضلاع میں کوئی ایس ایچ او 6 ماہ بھی پورے نہ کرسکا۔

0 of 10 secondsVolume 0%

 

رپورٹ میں کہا گیا ہے کہ پنجاب میں 8 سال میں آر پی اوز کی تعیناتی کی اوسط مدت ساڑھے 9 ماہ رہی جبکہ صوبے میں ڈی پی اوز کی اوسط تعیناتی کی مدت ساڑھے 8 ماہ رہی۔ پنجاب میں 8 سال کے دوران کوئی ایس ڈی پی او بھی 8 ماہ تعینات نہیں رہا۔

دستاویزات میں کہا گیا ہے کہ پنجاب میں ایس ایچ اوز کی سب سے زیادہ اوسط مدت ملتان میں 5 ماہ اور چند دن رہی۔ ایس ایچ اوز کا سب سے کم اوسط دورانیہ وہاڑی میں 2 ماہ کے قریب ہے۔ 8 سال کے دوران 35 اضلاع میں 395 ڈی پی اوز تعینات ہوئے۔