پی ٹی آئی کے نظربند 36 کارکنوں کا ریمانڈ مسترد، رہائی کا حکم

 راولپنڈی  : تحریک انصاف کے 36 لاپتا کارکنان کا معاملہ حل ہوگیا، کارکنوں کو اڈیالہ سے گجرات جیل بھیج دیا گیا تھا، آج سول جج نے جوڈیشل ریمانڈ کی درخواستیں مسترد کرتے ہوئے انہیں رہا کرنے کا حکم دے دیا۔

 تحریک انصاف کے 36 کارکنان نظربندی ختم ہرنے پر اڈیالہ جیل سے رہا ہوئے تھے تاہم انہیں لاپتا کردیا گیا تھا، پولیس نے نظر بندی ختم ہونے پر انہیں اڈیالہ جیل سے گجرات جیل بھیج دیا تھا، ہائی کورٹ کے دوبارہ نوٹس پر تمام 36 کارکنان کو واپس لا کر تھانہ نصیر آباد ہنگامہ کیس میں گرفتاری ڈال دی تھی۔

سول جج صداقت علی نے آج پولیس کی جوڈیشل ریمانڈ دینے کی درخواست مسترد کر کے ملزمان کی ضمانتیں منظور کرلیں اور تمام 36 کارکنان کو تیس تیس ہزار روپے کے ضمانتی مچلکے جمع کرانے کا حکم دے دیا۔