مدعی اور گواہوں کے منخرف ہونے پر صحافی حسنین شاہ قتل کیس میں ملوث چار ملزم بری

 ایڈیشنل سیشن جج یاسین موہل نے کیس کی سماعت کی۔ دوران سماعت مقدمہ کی مدعیہ صحافی حسنین شاہ کی اہلیہ عدالت پیش ہوئیں اور بیان دیا کہ جو ملزم گرفتار ہیں انکا قتل کیس سے کوئی تعلق نہیں ہے۔ مقدمے کے گواہوں نے بھی ملزمان کو پہچانے سے انکار کردیا۔

 جس کے بعد عدالت نے شک کا فایدہ دیتے ہوئے ملزم  سید حیدر عباس شاہ ، عامر رضا بٹ ،امجد پاشا،سید فرحان احمد شاہ کو بری کردیا ۔ ملزمان کے خلاف تھانہ سول لائن پولیس نے قتل کی دفعات کے تحت مقدمہ درج کر رکھا تھا۔